“Luna; El misterio de Calenda” Antena 3ko telesail berria.

“El internado” eta “El barco” telesailetako produktoreen eskutik “Luna; El misterio de Calenda” estreinatuko da Antena 3 katean. Belen Rueda aktorea izango da orain telesail honetako protagonista bere alabarekin batera: Lucía Guerrero. Aktore hauetaz gain, hainbat aktore famatu egongo dira telesail honetan lanean, hala nola: Leonardo Sbaraglia, Olivia Molina, Maria Cantuel, Fran Perea...

Oraingoan fantasiazko istorio  berri bat dakar Globomedia produktoreak, bertan, Calenda herriko gertakizunei buruz kontatuko digute:

Belen Rueda eta Lucía Guerrero  Calenda herrira doaz bizitzera, Belen Ruedak interpretatzen duen pertsonaiaren lanbideagatik; epailea baitda. Hala ere, herri hau ez da herri normal bat, kondairek diotenez lantzean behin gizotsoak agertzen dira Calendan zehar. Belen Ruedak eta Lucia Guerrerok, bertako polizia baten laguntzarekin (Fran Perea) herrixkan gertatzen ari diren gertaera  arraroak aztertuko dituzte.

Telesail honek erabateko arrakasta lortzeko ezaugarri guztiak biltzen ditu; fantasia, gizotsoak eta telesaila produzitzeko izugarrizko aurrekontua.

Dirudienez, “Luna; El misterio de Calenda”ren filmaketa oso aurreratua doa, beraz edozein momentutan ikusiko ditugu telesailaren estreinaldiari buruzko iragarkiak Antena 3en.

 Lehenagotik aipatu denez, telesail honen filmaketa oso konplexua izan da; izan ere, sekuentziak grabatzeko Espainia puntatik puntara zeharkatu izan dute nahiz eta gehiena Salamankako Candelario eta Ávilako Navas del Marqués herrian grabatu (herri hauek izango da Calenda irudikatzen dutenak).

Bitxikeria moduan, aipatu dute produktoreek guztira 1300 metro karratuko set batean grabatu dela telesaila: hainbat etxe ezberdinetan, lehen aipatutako herrian, poliziaren kuartel batean, taberna batean, ikastola batean… Hau Espainiako telesailen artean record bat dela dirudi eta irudika dezake bertako ikus entzunezkoen produkzioa asko hobetzen doala.